New Hostsis and fun stuff!!!

Es wunderbar guets Tägli :)

Ich han ja mal gschribe, dasses immer chli es hin und her gäh hett, ob ich wieder e GAstschwöster bechume oder nid... und ich han denn chli min Wille duregsetzt und gseit dass ich mich eifacht vill meh wohl fühle würd, wenn ich wieder en "roomie" hetti! Und ja mini Hostmom hett denn zuegstimmt und denn isches eich zimmlich schnell gange und mini noii Gastschwöster vo New Zealand isch da gsi! Am Dunnstig Abig isch d'Andrea denn nacheme öbe 13h Flug in Fresno acho und well ich vorher scho chli mit ihre gschribe han, han ich gwüsst sie liebt Sushi gnau eso wie d'Vicki und ich au. Drum simmer denn grad mal no go Sushi ässe gange und denn so am halbi 10ni am Abig dihei acho. Natürlich aber isch igendwas mitem Gepäck falsch gloffe...Sie hends miteme andere Flug mitgschickt wo zwar au nach Fresno gange isch, aber erscht am nächste Tag. Und d'Andrea hett somit kei Chleider gha...Am Fritig Morge han ich denn trotzdem müesse id Schuel gah, was aber eich halb so schlimm gsi isch. Es sich nömmlich weider mal en Rally gsi wo jedä Jahrgang sini Farb präsentiert. Und d'Seniors hend d'Farb Schwarz und alli sind denn natürlich schwarz agleit gsi und so :) Ide Turnhalle hemmer denn es riise Fäscht gha, es paar Jungs hend nämmlih müesse e Modeschau mit Frauechleider mache ;) Und denn isch no d'Homecoming Princess und de Homecoming Prince für de Winter Homecoming, wo nächst Wuche stattfinded, bekannt geh worde. Isch no voll cool gsi...

Senior Girls :)

Melissa, Julie and me

Ah ja und öbis cools gits na z'verzelle. Ich bin scho zweimal ame Wrestling Match gsi! Sehr en intense und chli gwalttätige Sport aber ich muess ehrlich gseit zuegäh, es isch voll spannend zum zueluege! Aber ja ich bin froh ich bin nid die wo da g'wrestled wird... :D 

Am Samstig sind denn d'Andrea und ich mitere Kollegin vode Schuel chli is Dorf gange und mir hend de Andy so chli alles zeiged und so.. und denn hemmer ois uf de Weg zum Tennis Court gmacht! Well mir hend ebä es Battle gägä 3 Type vode Schuel und denn hemmer chli müesse trainiere :D Und da ich ja no nie Tennis gspillt han, isch das grad mal guet gsi! Abgseh natürlich wieder mal typisch Kim... wells am letschte Tag chli grägnet gha hett isch de Bode nid ganz troche gsii und ich ränne so voll und schliifere us und lande genau im Schlamm!!! Haha aber ja bis uf das hanis ndi schlecht im Griff gha :P Wär na voll cool wenns da en Tennis Club gäbt, ich wür grad biiträte! Es macht sooo viell Spass. Und ja mit mine Fuessballplän bini mer immer nonig ganz eso sicher, well die trainiered JEDÄ tag 1.5 h und denn am Weekend amel no d'Match. Und ja ich denke das wer eifacht alles chli z'vill.... aber zur Uswahl wür suscht na Liechtathletik oder Yoga stah. Muens mer nomal überleggä, aber einersiits wärs ebä scho cool...:) 

me in action :)

Tana totally professional :)

Andrea having fun :)

Jep und hüt isch ja no am Martin Luther king sin Gebi (Happy Birthday haha) und drum hemmer frei gha, Wuhuuu!! Und denn simmer go shoppe gange, well d'Andy hett na ganz vill noii Sache brucht und ja mer hend denn so zimmli de ganz Tag ide Mall verbracht :D Voll coole Puli hani mer kauft. Und ja eis isch schomal klar: ICH BRUCH EN EXTRA KOFFER, ES WIRD NIE ALLES DET INE PASSE!!!!

Schliesslich gahts nomal 5 Mönet bis ich heime chume und bis dethii wird sicher nomal dopplet so viel gshopped ;) Und ja ich wett oi ez nid niedisch mache oder so... ABER i weniger als eim Monet gönd mir uf HAWAII!!!!! Mer hend schomal e Liste gmacht mit was mir alles wennd mache.. Viel Spass bim niedisch wärde.. ;)

An Amazing Trip to LA

Nur so als Vorwarning: Mached oi uf öbis gfasst, es chönt en laaange Itrag wärde ;-)

27.12.2010

Am Morge am 7ni hend d'Vicki, Denise und ich ois uf de Weg nach LA mitem Camper gmacht. MEr sind denn öbe so e halbstund gfahre wo de Vicki plötzlich in Sinn chunt, dass sie ihri Charte und anderi Unterlage diheime vergesse hett. Mit allem drum und dra hemmer denn nomal umkehrt und hend somit schomal e Stund verlore gha :D Nach 7 Stund simmer denn endlich endlich im Hotel in Anaheim LA (next to Disneyland) acho. D'Vicki isch denn mit ihrem Camper zu ihrere Tochter Cindy (wo au in LA wohnt) gfahre und d'Denise und ich hend die erste 2 Täg mit oisere Area Rep Tammie, ihrere Family und zwei andere Ustuschschüeler verbracht. Zum Znacht simmer denn a sones Medieval Times Dinner gange, wommer ame Ritter zuteilt worde sind. Mer hett mit de Händ gässä,klatsched, g'jublät , glachet und so wiiter...

28.12.2010

Früeh am Morge hemmer ois is Abendtüür gstürzt, mer sind is DISNEYLAND :D Es hett anschienend 80'000 Lüüt gha a dem Tag!! Sie hend sogar nid mal alli Lüüt (au die wo scho es Ticket gha hend) chöne ine lah!
Aber ja trotz dene viiiiellne Lüüt isches mega cool gsi und hett so vill cooli Bahne und anderi Sache zum mache gha, eifach amazing! Denn hetts au no e Christmas Parade gha, wommer alli verschiedenste Disneyfigure gseh hett. Und au suscht isch alles meeega cool gmacht und mer hend denn au no de Winnie the Pooh, Eeyore, Pinocchio, Goofy, natürlich de Mickey und sowiiter gseh... :)

 



Disneyland Büs



S'Matterhorn!!! Proud to be Swiss :)

 

Princess Schloss



29.12.2010

Zum Zmorge simmer is iHop go ässä gange. s'iHop isch es Resti wo du alli verschiedenste Arte vo Pancakes und Waffle chasch ha, eifacht delicious!!!

Well mir es 2 Tages Ticket für s'Disneyland und California Adventure Park gha hend, hämmer de zweit Tag chli i beide Pärk verbracht. Im Adventure Park hetts meh chli Bahne für Jugendlichi und es isch nid so mit de Disneyfigure. Aber es sind beidi Pärk mega cool :)

Am Morge hetts leider meeeega fescht grägnet denn simmer pflutsch nass gsi und ich bin au no chli chrank gsi, denn isch das nid so toll gsi.. aber am Namittag isch denn wieder schöns Wetter gsi :)

Am Abig simmer denn ines Rain Forrest Cafe go Znacht ässä und det drin hetts würklich usgseh wie ime Rägewald und zwüsched drin isch mal s'Liecht usgange und es hett Blitzt und agfange rägne und so :D  

Am Abig hetts denn au no sone Show gha wo World of Color gheisse hett und es isch amaziiing gsi!! Mit allne Farbe, Liechter und de Disneyfigure, hett eifacht wunderschön usgseh! Han en Film gmacht aber leider leider funktionierts nid zum de uf de Blog z'stelle... 

Die beide Täg sind eifacht absolut cool gsi und es hett sich würklich glohnt zum det anegah!

Adventure Park

California Screamin' mit Looping!!!

30.12.2010D'Vicki und ihri Tochter Cindy sind d'denise und mich am Morge früeh im Hotel go abhole cho und denn simemr nomal is iHop go zmörgele und denn nacher grad direkt is Pacific Aquarium gfahre. Mer hend die verschiedenste Fisch gseh und mer hend sogar chöne Haie berüehre!!
Am Namittag simmer denn ade Stränd vo OC entlang gfahre und bi Huntington Beach hemmer en Stop gmacht und sind zum Meer abe. Eifach wunderschöön gsi!!

Mer hend gfunde mer müend d'Schwiiz schono "verewiige" :D

Am Abig simmer denn mitem Camper vo OC nach LA gfahre und hend det übernachtet.

31.12.2010Am 31. isch denn Hollywooood agseit gsi!! Mer sind id Universal Studios gange..aber ich han ehrlich gseit chli meh erwarted... Ich han denkt mer gseht meh über d'Stars und wiemmer d'Film und Serie macht und so..aber es eich nur so paar Bahne gha und denn hetts so Shows vo Terminator and Kingkong und so gha. Mir hett s'Disneyland aso scho chli besser gfalle! Aber nacher simmer mitem Auto no chli in Hoolywood umegfahre damit mer au no s'berüehmte Hollywood Sign chönd gseh ;)

HAPPY NEW YEAR!!! Ich hoffe ihr sind alli guet is noie Jahr grutscht und ich chans gar nid glaube... D'Helfti vo mim Ustuschjahr isch scho fascht ume! Das heisst i weniger als 6 Mönet chum ich scho weider hei... =)
So, see you soon!



Merry Christmas

So ich chume doch no dezue z'schribe devor ich nach LA gange :) Also zerscht mal: ich wünsche oi allne wunderwunderschöni Wiehnachte und denn scho bald en guete Rutsch is neue Jahr. Min Silvester wird in LA gfiired, denn chammer ja nume guet rutsche ;-)
Bi ois fiired mer Wiehnachte ja nid am 24., sondern am 25. Dezember und das heisst früeh uf stah am morge...nämlich am 6i!!Denn hemmer ois ready gmacht und de Vicki ihrere 5-jährige Enkelin gfahre. Sie hett ebä wellä dass mir so früeh wie möglich dete sind, damit sie schnellschnell ihri Gschenkli chan uspacke :D Und sie hett au ganz schön vill becho: Meerjungfrau-Barbie, Games, en Plüschtierhund wo bälle und laufe chan und denn chamer mitem go spaziere (was mer natürli no us probiert hend) und no ganz vill meh!
Ufem Tisch isch denn au no en Brief an Santa gsi mit agässene Guetzli und em halb leere Glas Milch.So typisch amerikanisch und natürlich d'Söcke obe am Ofe sind gfüllt gsi mit Candies. Ich han au paar Sache übercho, sie sind alli soo lieb! Sind würklich schöni Wiehnachte gsi!!

Am 24. bin ich denn au endlich s'erste Mal go Snöbe und es sich meeega cool gsi! Ich han s'Snowboard und alli Chleider vonere Kollegin usglehnt gha und denn sind en Kolleg und ich am 6:15 a.m. mitem Car zum Badgerpass in Yosemite gfahre det hemmer denn no en andere Kolleg troffe und zwüschet drin hemmer au no anderi Lüüt vode Schuel gseh. Es isch es ziemlich chlises Skigebiet aber es isch trotzdem voll luschtig gsi! Wer hetti denkt, dass mer in California chan go Snowboarde?! :D

Und au suscht sind mini Ferie bis jetzt mega cool gsi, han vill mit Kollege gmacht und bin chli go riite und no mit de ganze Family gkyped! Und ich glaub es liit no e zweiti super Wuche vor mir, wells am Mäntig nämlich ab nach Los Angeles gaht!!

Han oi alli mega gern,
Kim

P.S. Danke a alli wo mer es Chärtli oder so gschickt hend, froi mich immer riesig wenni Post bechume :-)

I wanna live in a Gingerbread house... but not in ours:)

3. Advent, die dritti Chärze brennt... aber leider nid bi ois! Amerika kenned das mitem Advent leider nid und sie hend eich au kei Schoggi Adventskalender... Aber wommer am Samstig in Modesto go shoppe sind hani doch tatsächlich eine entdeckt!!Ich hans nie igendwo gseh aber plötzlich ime Lade bini vor eim gstande... und hanen natürlich grad müesse chaufe :D

Ja das isch eich alles woni am Samstig gmacht han: SHOPPING mit minere Gastschwöster undere Kollegin!
Es sind so viel Chleider und so im Moment "on sale" denn hemmer müesse zueschlah ;-) Nachem Shoppe simmer denn is kino go "Love and other Drugs" go luege.. Isch zwar en guete Film aber ja, wür en ez nid umbedingt wiiterempfehle... Mir hend denn bide Tana übernachtet und na chli Film gluegt und so und hüt hemmer es Gingerbread House baue.. oder besser gseit: Mer hend oises Bestä gäh :D

Wunderschööön nid? Bitte nicht den Spalt zwischen Wand und Dach beachten... :D

Oh oh.....

Noooooo! Es isch zämäkracht...

Defür isch d'Reindeer Flight School guet use cho ;-)

Ja wahnsinnig vill meh z'verzelle gits eich nid... Iwe gseit mini Gastschwöster gaht hüt inere Wuche hei und ob mir e anderi Ustuschschüelerin bechume, isch immer nonig sicher. Aber ich hoffes schwär :)

Wünsch oi schööni Wiehnachte wemmer sich nüme ghört!

Christmas is coming...

Am Samstig bin ich mit minere Gastschwöster ad Crafts Fair vo oisere Town gange und det hetts mega vill schööni Sache hauptsächli für'd Wiehnachte gha. Und es isch alles handgmacht gsi! Nacher simmer chli i de Town gsi und alliiii Lädeli sind total beschmückt und i Wiehnachtsstimmig, gseht mega schöön us. Am 5i hett denn Christmas Parade agfange und es isch so herzig gsi wies das gmacht hend! Mit Ross und Autos und Samichläus und so wiiter. Au oisi Maching Band vode Schuel isch cho und ich han es Filmli gmacht und probiert no chli Town z'filme. Aber ich chans leider nid ufe lade... ich hans paarmal probiert aber es gaht igendwie nid. Aber ich versuechs denn später nomal!

Nach de Parade simmer im Subway go ässä. Das isch sone mega bekannti Sandwichbar us de USA. Obwohl ich glaube mir hend das ide Schwiiz au, mini Hostsis und ich sind beid no nie det drin gsi und mir hend kei Ahnig gha wie das funktioniert. Mer chan alles wähle wo mer im Sandwich wett, sogars Brot und welli Chääs-Art und so wiiter. Und de Maa wo döt gschaffed het, het so undütlich gred und mir sind überhaupt nid druus cho und denn hemmer mega müesse lache.. De Maa hett ois aglueged als wäremer vom Mond :D 
Nacher simmer as Basketball Game vode Schuel gange und sie hend guuuunne! Isch mega cool gsi! Ah ja für die wos nonig wüssed: Ich fang im Januar ziemlich sicher afa Fuessball spille... Kim und Fuessbal!! Wer hätte das gedacht? :D Ich chume sone Probewuche über und denn chani immer no säge dases mir nid gfallt. Aber es wird glaub scho ziemlich härt.. jedä Tag einehalb Stund Training! Aber ich han ez fascht 4 Mönet kei Sport gmacht (abgseh vom Riite) und drum nimi das in Chauf ;) Mer muess alles mal usprobiere suscht weiss mer ja nid obs eim gfallt oder nid, oder?!

Oh ja und hütt hani denn Spitzbuebe bache und de Christbaum gschmückt:

Isn't it pretty? ;)

Ja mir hend ez nur no 2 Wuche Schuel und denn sind scho Ferie! Ziit isch unglaublich schnell verbii gange igendwie... Und ja üfr die wos nonig wüssed, mini Gastschwöster vo Schwede gaht am 19. Dezember hei... Isch halt scho mega schad well mer hends eich scho mega guet zämä, aber ja es hett mehreri Gründ wieso sie hei gaht. Naja aber damit ich nid so allei bin und's mir nid langwilig wird, hett d'Vicki gfrägt ob sie nomal e anderi Ustuschschüelerin für es halbs Jahr chan uf neh. Und ez chunt warschindlich eini vo Österrich zu ois. Mir sind ez eich nur no uf ihri Unterlage am warte und denn wür sie vilicht sogar no vor de Wiehnachte cho. Es isch zwar nid so toll für mis English aber ja, ich froi mich wahnsinnnig!!!

Schribe denn wieder wenni öbis nois weiss.

Grüessli Kim

Thanksgiving

Ich sitze grad vor mim Computer ame regnerische Sunntignamittag und isse es leckers, selbergmachts Turkey-Sandwich...:D Mir hend Essensrescht für öbe 1-2 Wuche!! Am Dunnstig isch nämlich Thanksgiving gsi.

Mir hend i oises Huus gfiired und mer sind 9 Lüüt gsi. 2 Töchtere vode Vicki und dene ihri Familie und denn no en Kolleg vo ihne. Am Dunnstig Morge wo ich ufgstande bin hett mini Gastmami mich denn gfrägt ob ich wett zue luege wie mer s berüehmte "Stuffing" macht. Ich han natürlich denkt, wieso au nid.. aber denn bin ich denn scho grad chli gschockt gsi... Eigentlich isches hauptsächlich weichs Bort wo denn im Truthahn ine, kochet wird. Aber wases suscht na drin hätt..: s'Härz, d'Lunge und anderi Organ vom Turkey!! Und sie ehtt das eifacht so usem Turkey usegno und verschnätzlet und denn mite Brot gmixt.. Isch mer grad chli de Appetit vergange! Scho grad chli härt für öber wo vorher Vegi gsi isch. Aber ich han denn nid vo dem gässe..aber defür vom Restä und verhungeret bini also uf kein Fall. :D 

de heissbeliebti riiiese Turkey :)

S'ganze Esse suscht..

und natürlich de Dessert därf mer nid vergesse!

Es isch also würklich seeeehr guet gsi! Und isch au cool gsi mal mit de ganze Familie zämä z'sii.

Am Fritig sind mini Gastschwöster denn zunere Kollegin hei gange und mer hend ihres ganze Huus wiehnächtlich dekoriert! Es hett traumhaftschön us gseh und so typisch amerikanisch :D Überem Cheminée sind die Söcke ghanget, wo jedä sin eigene hett mitem Name druf und de Baum isch mit farbige Liechtli und Christbaumschmuck verziert gsi und so wiiter... Und wo ich denn verzellt ha, dass mir Cherzä hend anstatt vonere Liechterchettä, hends das eifach nid chöne glaube! Hehe jaja, jedä hett sini eigene Traditione.

Und denn hemmer oise Harry Potter Marathon gstartet: alli 6 Movies hemmer glueget! Am Fritig Namittag hemmer gstarted und die erste 4 glueget und denn gschlafe und denn nomal 2 glueget!! Hett also scho es Zitli brucht.. Und am Abig simmer denn go Mexikanisch esse (sooo delicious!) und as Basketball Game vode Schuel gange. Oisi bestä Spiller hend gege ehemaligi Mariposa Basketballer gspillt. Hett recht vill Action gha hehe und die Ehemallige hend denn schlussendlich mit 3 Pünkt meh gunne. Isch aber mega cool gsi.

Juhuuu d'Sunne sich underzwüschet au nachli füre cho!

Ich hoffe ihr hend alli en wunderschön erste Advent gha und es gaht nur no 4 Wuche bis Wiehnachte. Chans gar nid glaube!!

Ich vermiss oi!

What a surprise!

Wo ich hüt früeh am Morge verwached bin, lueg ich usem Fenster und was gsehn ich da?! Es hett s'erste Mal gschneit und es isch alles wiss gsi verusse! Denn han ich natürlich nüme chöne schlafe und bin grad usem Bett ghüpft, Schal, Chappe, en dicke Pulli und Stifel azoge und mini Kamera gschnappet :)

Ich chans chuum glaube, dass mir in California vor de Wülflinger Schnee gha hend ;)

Und wüsseder was s'coolste isch? Wenns hüt Nacht nomal Schnee git, hämmer morn en Snow Day, das heisst kie Schuel! Und will abem Dunnstig Thanksgiving Break isch, hettemer nume 2 Täg Schuel! Aber de Schnee schmilzt leider sooo schnell.. Trotzdem, hoffe chammer ja :)

Oh und wer hett scho de noii Harry Potter gluegt?! Mini Gaschtschwöster, e Kollegin und ich sind en am Samstig go luege und er isch eifacht genial! Und nachem Kino simmer denn ines Resti go ässä und det hetts sones riiiiesigs Salatbuffet gha. Denn hesch eifacht müesse $10 zahle und hesch chöne so viel wied wetsch uf din Teller biige udn hesch es Trinke (ungefähr en Liter haha) und es Glace no becho! Min Teller isch sooo überfüllt gsi und han gmeint ich verplatze :D  Ou und denn hememr au no deep fried Shrimp gha, yummie!!

Soo mer ghört sich nach Thanksgiving wieder! Hoffentlich sones richtig Amerikanisches.. aber de Turkey isch scho im Chüelschrank ;)

See you soon

Love, Kim