Fair, Scorpions, Football Game, horse riding and a lot of fun!

Und scho isch di nächst Wuche ume... ich chans gar nid glaube, dass ich ez scho 2 Wuche da bin!!
Im Moment isch recht vill los... ide Schuel hemmer tausig Ufzgis jedä Tag und ich han au scho mini erste Tests gha..Ich han müesse en Ufsatz (in Englisch versteht sich) schriibe und han doch tatsächlich 18 vo 20 Pünkt erreicht und mini Englischlehrerin isch voll z'fride mit mim englisch und sie hett gseit sie hett das nid vo mir erwartet! *stolz* ;-) Au suscht mitem Englisch lauft's scho chli besser, aber trotzdem nid (oder hoffentlich "nonig") grandios :D

Bi ois ide Town isch grad Fair, das ishc eigentlich wie e Dorffescht aber hett vill meh no mit de Tier z'tue! Aso die düend da dir usstelle und vorfüehre und die werded denn bewertet und kauft..aber s'hett au paar Bahne und so! Und gester bin ich mit minere Gastschwöster ufere Bahn gsi wo uf de Chopf treit und vor ois isch e Kollegin vode Schuel ghocket und denn natürlich wommer ufem Chopf gsi sind, ischhan ich gmerkt das ich vergässe han mis Täschli zue mache und denn isch scho z'spat gsi...mini Cam isch usegheit!!! Ich han sonen riise Schock gha und han mir scho vorgstellt wie sie i 10000 Teili zersplitteret isch... aber denn wo'd Bahn aghaltet hett gseh ich wie mini Kollegin us de Bahn usstiigt mit minere Cam ide Hand... sie hett sie tatsächlich chöne fange!!!! :D bin so überglücklich gsi!!!
Ja mir verbringed eich sitem Fritig bis am Mäntig (das heisst Schuelfrei xD ) fascht di ganz Ziit ade Fair well mini Gastmuetter döt schaffe muess jedä Tag. Aber es isch no mega cool und ich triff au ganz schön vill Lüüt vode Schuel ah, well eifach jedä det isch!
Oh und ja am Dunnstig Abig hani mis erste Football Game gseh :) es isch ganzi 2h 30 min gange und oisi GRIZZLIES hend leider verlore...aber isch luschtig und typisch amerikanisch gsi, obwohls igendwie all Minute gstoppt hend.
Und am Fritig ade Fair hend mini Gastschwöster und ich chli ghulfe bide Tier, wos det hend! Und det han ich doch tatsächli es Skorpion, en Chrebs, e Schlange und e Kakarlake ghebet! Ich chans selber chuum glaube, das ich das echt gmacht han :D und denn hett's no es Frettchen gha, soooooo cute!! Ich hetts am liebste mithei gno und als Huustier bhaltet, aber das isch leider illegal... scho komisch, es Frettchen als Huustier ha isch nid erlaubt, aber en wilde Turkey (wo's da jedemenge het) abe z'schüsse isch legal... komischi Asichte :D
naja wie au immer, sött mich langsam parad mache. Mir gönd sones Derby mit cars go luege, was au immer das isch :D ich wirds gseh... da na paar Fötelis & ich vermiss oi..

Chance and me.. i feel like a cowgirl with my own horsie :)  und ufem Bild rechts.. holding the scorpion

American Football Game

leider hend Grizzlies (die grüene mit de gäle Helm) verlore aber mir hoffed
uf's nächste Spiel :)

Ufem Weg nach Merced zum Shoppe... Meile lang nur bruuni Landschaft! Aber igendwenn simmer denn in Merced acho und hend ide Mall ganz villl pöstelet :)









Mini Gastschwöster und ich ade Fair :)