my first week :)

Ich bin ja jetzt scho e ganzi Wuche da in Mariposa und es isch eifach genial!! Ich verzell jetzt eifach mal so wasi bis jetzt gmacht han und so, obwohls eich nüt wahnsiiinnig interessants git xD

Am Sunntig hani mich vorallem probiert z'erhole vom Flug und so und am Mäntig bin ich denn mit minere Hostmom Vicki uf de Mariposa Fairground gfrahre (das isch öbe 20 min vo da) und det hämmer ghulfe alli Sache, Zeichnige, Bastelsache, Fotis, gnähti Chleider und so wiiter, sortiere und schön dekoriere. Nacher isch sonen Art Bewerter cho, wo die Sache agluegt hett und e "Note" geh het. Die Sache sind alli handgmacht vo Chind und di erstt platzierte werded denn ade Fair usgstellt. D'Fair isch am nächste Weekend und fangt am Fritig ah und gaht bis am Mäntig, das heisst Schuelfrei!! xD was die fair gnau isch, weiss ich nid wükli, aber so viel wie ich verstane han isches wie sones Dorffescht und igendwie so s'grösste wo da ide nächi statt finded... :D
Am Ziestig hett denn d'Schuel agfange und ich bin mit de Vicki det anegange und det hend mir min Stundeplan zämegstellt. Denn hend zwei Meitlis vo mim Jahrgang mir zeigt, wo ich alli mini Fächer han und halt suscht no di ganz Schuel! Ah ja min Jahrgang: SENIOR!! mit prom, homecoming, graduation und so :)

Ich han einigi mal min Stundeplan müesse ändere und so aber jetzt stahter endgültig (hoff ich zumindest):

Algebra II      (min Lehrer isch in Luzern gebore, wett aber nur Englisch mit mir redä..aber s'isch so easy xD)
Englisch         (höchstkompliziert :P no idea what they're talking about!!)
Civics            (das isch so amerikanischi Gschicht, isch voll spannend bis ez :D )
Art             
Drama           (isch voll luschtig und am Endi vom jahr füehremer es Theater oder so uf glaub)
French III      (haha ja ich bin ide höchste Stufe und sie lerned gad passé composé :D)

Ja d'Schuel isch eigentlich voll locker für mich (abgseh vom Englisch und Civics) und drum hani denkt ich nimme au Franz, damit ich nüüt vergisse aber es isch so eifach... ja nu gueti Note schaded nüt :P

Am Ziestig ide Nacht isch denn mini Gastschwöster Sandra acho und am Dunnstig denn au scho id Schuel cho! Ich verstahn mich eifach super mit ihre und mir sind am Weekend au scho go usriite und so! isch so richtig funny gsi! Und au suscht ide Schuel sind eich alli Lüüt mega nett und chömed au uf mich zu und sind voll offe und so :) isch echt cool!

My house

Ussicht vom Zimmer :)

Have a nice day :)

Live aus Mariposa, CA :)

Heeeii guys

Ich bin gester nacheme total laaaange und astrengende Flug am Abig am 12i ungefaehr in Marposa acho! Ich bi so total mued und kabutt gsi, welli fascht 24h am Stuck wach gsi bin... Aber s Fluege selber isch eigentlich no cool gsi. Mir sind 5 Schwiizerinne vo STS gsi und sind denn uf London und det hemmer denn sicher oebe 40 Ustuschschueler troffe vo ueberall.. Finnland, Schwede, Norwege, Italie, Frankriich und und und... und alli hend sich gegesiitig gfroegt, where are you from? & Where are you going to? :) well alli ghofft hend das sie mit oebertem choend zaeme wiiterfluege nach Chicago xD igendwenn simmer denn uf Chicago wiiter gfloge und det hemmer denn chli es zueg gha bim ichecke und mitem Gepaeck aber hett denn klappet und denn simmer z driite uf Vegas gfloge, aso mit einere vo Schwede und einere us Italie. Ihr choend oi nid vorstelle wie de Flug uf Las Vegas usgseh hett.. eifach oebe 3h lang nuet anders als Wuesti =) zeig oi denn no Foetelis. Ja in Vegas han ich denn allei muesse wiiter aber zerscht mal hett min Flug ueber e Stund Verspaetig gha und ich han schier Kriese gha well ich so mued gsi bin und gmeint han ich ha de Flug verpasst -> Zietverschiebig xD

De Flug uf Fresno isch katastrophal gsi.. de Flueger isch so chlii gsi fuer oebe 25 Luet und so Luuuuut und es hett alles Ziiteret de ganz Flug ueber.. Ich han immer probiert chli z'schlafe aber has nid so recht anebracht obwohl i so mued gsi bin..In Fresno, nach oebe 1ehalb Stund, hett mich denn Tochter (Dawn) vo minere Gastmuetter abgholt und mir sind uf Mariposa gfahre, au ca. 1ehalb Stund. Sie isch meeega lieb und witzig und hett mich ununterbroche vollegschwaetzt und ich han eifach chli min Senf dezue geh und chli yes und okay gseit xD Dihei woni usem Auto usgstige bin hend mich grad d'Huend agsprunge und mich abgschlaberet haha ich han mich grad in einte verliebt und er sich glaub au i mich er laht mi nueme us de auge und verfolgt mi schritt fuer schritt xD sie heisset ueberigens Sage und T-Bone..
Denn bin ich denn gad go schlafe und huet hett Dawn  mir alles zeiget und so.. de riiiiiisig Garte mit allne moegliche Fruecht und Gmues und alles so saftig (weiss oeber was pickel oder so sind? das isch so goettlich xD) , d Weide (wo nid gruen sondern eifacht nur sandig, staubig und bruun sind), d'ross, chatze, s'huus und so wiiter! Isch eifach wunderschoen da und sooo heiss... am Ziestig gahn i denn s erste mal id Schuel und ha jetzt scho chli Angst aber ich froi mich :) ich meld mich denn mal wiieder wenni Ziiet ha (gahn ez gad chli go suennele xD) und Foetelis choemed natuerli au na!!

See you & miss you,
Kim

Have you ever tried to pack your whole life in ONE bag?

Wie ihr im Titel scho chönd läse, bin ich mini Sache am packe und d'Andi und mini Schweh hend mir ganz schön ghulfe! Dankeschöön mini Spätzlis, wär glaub nid guet use cho ohni oi =)
ja de Koffer machi ez denn zue und somit wird das au de letschti Itrag us de Schwiiz, well morn muess ich nämlich am 4i öbe ufstah!! Trotzdem wird hüt abig no chli min Gebi und de Abschied gfiired :)

Danke schomal für alli Gebiwünsch und ich wird oi alli vermisse!!

"Out of the darkness and into the sun.
But I won't forget all the ones
that I love.
I'll take a risk.
Take a chance.
Make a change.
And breakaway."
Kelly Clarkson

xoxo

P.S. bitte ab morn nüme uf mini Handynummere schribe, han e noii... wer sie will eifach fröge :)

♥ Hostfamily ♥

Oooooh my god my dream comes true! =) =) =)

Ich han hüt endlich mini Gastfamilie becho!!!!

Also ja gnauer gseit ich wohne binere Frau wo Victoria (Vicki) heisst, 70gi isch :D, mitere schwedische 18jährige Gastschwöster (Sandra) in Mariposa CALIFORINA ufere chline Ranch!!! Ich chans fascht nid glaube!!!!

Sie hett 2 Pferd, 2 Hünd und 3 Chatze und mir hend det z'dritte en Frauehushalt :D

Mariposa selber hett öbe 5000 Iwohner und lit une ade Sierra Nevada mountains. Agrenzend isch de Yosemite National Park. Bis uf San Franzisco gahts öbe 3 e halb Stund und bis zum meer au öbe :) 

Ja und suscht mini Schuel heisst Mariposa County High School wo öbe 500 Schüeler het und de erscht Schueltag isch scho am 24. august!!!
Wenn öber mini Schuel wett go aluege:

http://www.mchs.mariposa.k12.ca.us/default.htm

Ich flüge am 21.August am 7ni mit drü andere Ustuschschüelerinne ab.
Züri - London, in London träffemer no anderi us Schwede und Norwege und denn gahts wiiter - Chicago - Las Vegas - Fresno.
De Flug wird elendslang.... aber ich chans kuum erwarte!!!

                                                               

Write you soon ;-)

My diary

Wie ihr ja warschindli alli wüssed, mach ich abem Summer 2010 es Ustuschjahr ide USA. Und damit ihr au chli wüssed, was ich währed dere Ziit so erläbe und wie's mir gaht, han ich dänkt ich halt oi mit dere Siite chli ufem laufende und schrieb ab und zue öbis dri und lad Fötelis ufe!

Also jetzt bin ich ja no dihei und gnüsse mini Ferie, zum nomal chli Ziit mit fde Familie und Kollege z'verbringe. Suscht hani am 6.Juni so es Träffe vo minere Organisation (STS) gha, wo alli Ustuschschüeler wo i dem Summer abreised cho sind und nomal alles durebesproche worde isch. Es hett au paar ehemaligi Ustuschschüeler gha wo über ihri eigene Erläbnis verzellt händ. Isch na luschtig gsi :D

Am 17. Juni sind mini Mum und ich sind uf Bern gfahre, zum mis Visum z'mache. Nach fascht 2 Stund Warteziit han ich's denn  au über cho aber das isch also scho e ziemlich komplizierti Sach gsi xD


Ja im Moment heissts für mich eigentlich nume warte, warte und nomal warte, will ich mini Gastfamilie ja immer nonig han. Und will ich ja d'Familie nonig übercho han, weiss ich au nid wenn ich abflüge, will niemert flügt ohni daser d' Familie hett. Aso mer brucht zimmli vill Geduld aber mer seit ja so schön: S'beste chunt immer zum Schluss ;-)