Santa Cruz

Halllöchen :)
Ich han s'Gfühl ich wird langsam wieder chli fliessiger mitm Blog schribe. Jetzt hani ja endlich au mal richtig Ziit, schliesslich hemmer ja zwei Wuche Ferie!
Mini Ferie sind bis ez fantastisch gsi. Am Samstig grad wos agfange hend, sind mini Gaschtschwöster Andy und ich zu de Kollegin (Tana) gange und hend de Tag chli bi ihre dihei verbracht und mer sind no nach El Portal gfahre. Das isch sones winzigs Dörfli churz bevor mer nach Yosemite gaht und det hetts en unglaublich schöne und riesige Wasserfall. Mer chan so näch ane gah und im Summer chammer sogar hine dure laufe! Denn am Znacht am 10ni hemmer s'Gfühl gha mer chönted ja nochli ih de Tana ihrem Pool go schwümme, wells au am Abig no so um die 20 Grad gsii isch. Aber mer hend denn schnell gmerkt das s'Wasser nid ganz am Wetter entspricht, es isch iiszapfechalt gsi!!
Denn am Sunntig Morge simmer am halbi 6i ufgstande und Tana, ihri Mom, d'Andy und ich hend ois uf de Weg ad Küste in Santa Cruz gmacht. Es isch öbe e 3 stündigi Fahrt aber es isch eich zimmlich schnell verbii gange. Vorallem fürd Amis isch ja das nid würklich wiit und ich han mich au langsam dra gwöhnt. So um di 10ni simmer denn acho und ois hett öbis erwarted woni nie denkt hetti! Mir hend ime  3 stöckige Strandhuus miteme eigene Tor gwohnt. Jedä hett sis eigene Zimmer gha und stelled oi mal vor was für en schöne Usblick mir gha hend! Direkt am Meer ohni irgendwelche Hüüser im Weg!Es isch es Traumhuus gsi! Und ich han au gmeint ich seg ime Traum woni am nächste Morge verwached bin, usem Fenster luege und Delphine gseh mit de Wellä am schwümme!! Echt unbeschriblich.
Am Sunntig nachdem mer acho simmer eifacht mal chli dur Santa Cruz gfahre und sind natürli au an Strand gange und so. ur leider isches echli z'chalt gsii zum schwümme. Mer hend zwars Bikini agleit und sind a so halbe inegange aber schwümme hett mer nid würklich chöne. Mer sind au no zum Boardwalk gange. Es isch so wie e Chilbi mit Achterbahne und so. Aber s'coole isch. Es isch direkt am Meer und uf de Bahne hett mer en geniale Usblick uf de Strand und s'Meer :) Suscht simmer no vill go shoppe und s'wichtigste hani no fascht vergesse. Mer sind nach Santa Cruz gange well Tana hett so en Test fürs College müesse go mache, well sie im Summer für 2 Jahr döte id Schuel gaht. Stelled oi das mal vor, es Läbe in Santa Cruz und fascht s'ganze Jahr dure Sunshine! Bin aso scho grad echli nidisch uf sie.. :)

Boardwalk in Santa Cruz

so zimmlich oise eigeni Strand gsii

Am Srand

Andy, Tana und ich

Bis baaaaald!!! :)

UC DAVIS and Civil War

Howdy!

Emily, Kim, Tana und Andy vorem Kino

Isch scho weider wahnsinnig vill passiert ide letschtä Wuche und weiss gar nid wo afange.. also zerscht mal bin mit 3 Kolleginne im Kino gsi go "Soul Surfer" go luege.  Es isch wahri Story und es gaht um Bethany Hamilton. Sie isch in Hawaii ufgwachse und im Film so öbe 17ni aber im richtige Läbe scho mitti 20gi. Und sie isch mega talentiert im Surfe und eini vode bestä Surferinne überhaupt. Aber denn wird sie vome Hai bisse und verlüürt ihre Arm. Und sie hett e mega schwäri Ziit nach dem aber trotzdem schafft sie's wieder zum go Surfe gah und au wieder bi Wettkämpf und so mit mache und das alles mit eim Arm. Isch echt mega gueti und berüehrendi Gschicht.



Parade

Am Samstig bin ich mit mim Mathe Lehrer (er isch ide Schwiiz gebore) und zwei Kollege nach Davis gfahre. Das isch öbe 3 Stund vo da entfernt und ide nächi vo Sacramento. Und für die wo sich ez grad fräged: "En Lehrer macht en Usflug mit 3 Schüeler?" Das isch da so öbis zimmlich normals. D'Lehrer sind meistens so wie Kollege :) Und nach davis simmer gange zum S'College UC DAVIS go aluege! Das isch eini vode 10 bestä Universitäte in California mit 30'000(!!!) Studente und hett ishc speziell für Engeniering und au vill mit Tier. Aber es hett alli mögliche Klasse wommer chan ussueche. mer chan sich gar nid vorstelle was mer det alles chan mache. Und de ganzi Campus isch Autofrei. Es hett Velos und Skateboards EVERYWHERE! Und ja ebä d'Schuel hett sonen Tag der Offenen Tür gha und die zwei wo au na mit cho sind, sind 

Sacramento mitem wisse Capital building



sich ebä beidi am überleggä, ob sie döt is College wennd. Und denn hett de Mr Keeton gfunde es wäri sicher no interessant für mich zums gseh. Und es hett mir echt meeega gfalle! es isch sone cooli Schuel. Hans mir also grad nomal zwei mal müesse überleggä ob ich nach dem Jahr zrugg id Schwiiz cho söll oder eifacht grad detä is College gah ;) Nei,nei scho nid, aber wer cool, wennd Universitäte ide Schwiiz au so währed wie da in Amerika. Es sich echt so wiemers amel ide Film gseht und ja es tönt nach a lot of fun! Ja und denn simmer eich de ganz Tag chli am umeluege gsii und sind zu verschidene Shows gange, zum Bispiel a Physics Show. Und denn simemr au no ines Schuelzimmer ine gange. 500 Plätz i eim Klassezimmer!! Sie hend denn au no so Wettkämpf gha vo allne mögliche Sportarte und mer sind es Waterpolo 

Baseball Game



Game go luege (ziemlich intensiv isches gsi) und denn hemmer au na es Baseball Game glueged vo UC Davis gägä UC Bakersfield. Und ich han die ganze Reglä erchlärt becho und ich chume sogar drus. Baseball isch en mega coole Sport und ich bin da mit de Mängi mit is Spiel grisse worde ;) Und denn am spätere Namittag simmer denn wieder uf de Heiweg gange und min Lehrer hett denn gfunde, da mir ja bi Sacramento verbii fahred chömmer no rasch id Stadt ine gah damit ich nos Capital Building vo California gsehn. Das isch so wies Bundeshus in Bern. Und denn hani au nochli vo Sacramento gseh, isch no iidrücklich gsii. Oh und ja ufem Heiweg hemmer no en Stopp bim Drive in vom In'n'Out Burger gmacht. Fastfood natürlich... Aber eich na mega guet und um einiges gsünder als Mc Donalds oder Burgerking. Well die mached d'Bürger und Pommes grad vor dine Auge und mer chan zueluege wieses mached. Isch no cool, und au no guet, obwohl ich ja nid so wüklich en Fleischtiger bin! :) Und denn ja simmer wieder heime düüsed und ich muess sägä, ich han en super coole und total amerikanische Tag gha!! 



Am Sunntig simmer denn an Civil War Reenacting gange wos um de Chrieg vo Nordamerika gege südamerika gange isch. Und sie hend das so ufeme riiise Feld mit Chrieger, Ross, Schwerter, Waffene und Kanone nah gspillt. Und es hett hunderti vo Lüüt gha wo gegenenand kämpf hend und denn hett mer au no chöne umegah und go Zält wo sie drin gläbt hend aluege und mit de Lüüt go redä und so. Isch mega spannend gsii, und e gueti gschichtsletion über Amerika gsii für mich!

 

NO 2 MÖNET!!!!

Was s'Läbe so bringt... :)

Jap ich läbe immer no da im wunderschön sunngie Calfiornia und drum wärs wieder mal Ziit zum en Blog Itraag z'schribe. Bin irgendwie nid so würklich dezue cho und han au nid so recht gwüsst was schribe well so vill loos isch aber irgendwie nüüt so wahnsinnig spannends zum verzelle. Drum ja, ich schrib ez eifacht mal chli druff los...

Nach Hawaii isch de normali Schuelalltag weider los gange und denn am Wucheend hett d'Zoe (de Vicki ihri Enkelin) Geburi gha und sie isch 6i worde. Denn simmer alli zämä i some "Rollerland" go Rollerskate mit dene altmodische Skates wo 4 Rädli hend. Isch also no ganz schön schwierig gsii am Afang. 



ich mitem Chance

Und denn eimal suscht bini mal no mit Kollege go bowle was au sehr luschtig gsii isch. Obwohl ich natürlich nid eso talentiert gsi bin, aber ja s'hätt Spass gmacht. Ah ja und mini Gaschtschwöster vo Neuseeland isch mal no e Wuche in New York gsi ime Camp vo oisere Organisation STS. Denn bini ganz alleige gsii mit de Vicki aber ja defüür bini vill go riite gange. Wasi im Moment sowieso sehr oft mache, well s'Wätter so wunderschön isch endlich.


Andy mitem MyTe



Aber das isch erscht sit letschte Wuche. Well vorher hetts für die da in California "mega vill" Schnee geh. Und denn simmer eimal sogar no go schlittle mit Kollege a some voll steile Hang. Isch mer vorcho als würi de Mount Everst bestiige! Aber defür zum abeschlittle ischs umso meh Fun gsii!

Und denn so spontan wie d'Amis sind hett am Fritig Abig de Nachber wo en Ski Patrol isch aglüted und gfräged ob ich und d'Andy wennd go Snööbe oder Skiifahre cho mit ihm am nächste Tag. Und ich bin natüürli total begesitered gsii das ich das Jahr doch no es zweits mal zum Boarde chume.



Snöbe :)



Andy und Spagat mit de Ski :)

Ja und suscht simmer mal no go shoppe gsii und hans au völlig usgnützt wieder mal... Nur d'Frag isch wie ich das alles wieder heimebringe...!? Oh und was ich mir no kauft han... s'Chleid für de riiiiesig Abschlussball wos da im Mai hend! Das wird en gigantische Abig werdä :) Oh und i 3 Wuche hemmer Springbreak und ich gahn mitere Kollegin und de Andy nach SANTA CRUZ de Kollegin ihres College wo sie denn im Summer gaht go aluege!!! Und da das ja ade Westküste liit, gömmer natürlich no go schwümme und sünnele und no vill vill meh! Froi mich so unglaublich! Isch scho voll cool wemmer so chli überall umechunt und alles chli gseht :)

Ah ja ich weiss gar nid obich's scho erwähnt han, aber am 16. Juni am 12:25 am Mittag triff ich endlich endlich wieder im schöne Züri Flughafe ih! Wer wett cho isch herzlich Willkomme zum mich Willkomme z'heisse ;)

See you soon, Ziit rennt!! Love, Kim