Prom und Disneyland

Oisi Limo-Gruppe

Prom

Am Endi vode Ferie hemmer ja de berüehmti Amerikanischi Prom gha. Das isch de Abschlussball wo die ältischte zwei Jahrgäng nume chönd gah und es isch en ussordentlich elegante Abig. Oises Thema isch "A Black Tie Affair" gsii. Ich bin mit 11 andere Lüüt inere Limusine id Tenaya Lodge (es wunderschöns Hotel bim Nationalpark) gfahre udn es sich also echt es amerikanischs Erläbnis gsii. Alli sind voll schöön und elegant kleided gsii, und Girls hend sich natürlich no d'Haar und d'Nägel mache lah. Und denn hemmer döte sehr edel gässä und denn isch Party Party gsii :) 
Da Paar Fötelis vom dem unvergässliche Abig...

Dä Prom-Tisch

Joe, Andy, Matt, Me, Shaun, Tana, Kevin, Cecilia

Matt and Me

Courtney, Me, Tana, Andy, Emily

Disneyland
Am Dunnstig Abig hend mir denn oisi sogenannti "Grad Night" im Disneyland und em California Adventure Park gha. Alli Seniors (das sind die vom Abschlussjahrgang) sind am Namittag mitem Car (ä 6h Fahrt) is Disneyland gfahre und denn am 10ni am Abig hends de Park ufgmacht und mir hend die ganz Nacht bis am Morge am 6i döte verbracht. Es sind Seniors vo all over California döte gsii und mer sind ufd Bahne (jao au ufs berüehmte Schwiizer Matterhorn) und hend die ganz Nacht dure Party gha. Es sich soooo cool gsi aber leider bini nid so würklich dezue cho zum Fötelis mache, isch eifacht zvill gloffe zur gliiche Ziit. Und denn gäg die 5i am Morge bin ich total k.o. gsii und alli sind glaub super happy gsii das mer denn nur no in Car hend chöne hocke und 6 langi schöni Stunde hend chöne schlafe.


Jetzt gahts nur no 1 Monet (uf de Tag) und ich bin weider zrugg!!! Froi mich sooo oi alli wieder z'gseh aber meuss au sägä, ich wird alles unendlich fescht vermisse... :( Aber ja im Moment denki nonig z'fescht as heigah nah, well nämlich so vill lauft. Bald hämmer Graduation und ich han sogar scho min grüene Umhang mit dere Chappe becho.. wird denn au no paar amüsanti Fötelis gäh... ;)

See you sooooooon!